مدونة طارق

آخر التدوينات

السبت، 30 يناير، 2010

العمل المميز... مقر ادارة الفيس بوك



السلام عليكم ورحمة الله وبركاته

عندما يعمل الشخص في بيئة هادئة فإن ذالك يؤثر على انتاجه وهذا معروف , يعني لازم يكون مدلل عشان تكون له القدرة على الابداع , والابداع يحتاج الى جو رايق وهادئ , لذلك عندما تقوم شركة  Studio O+A بتصميم رائع  يتجسد من خلال مقر ادارة موقع الفيس بوك فهي بذلك تحقق الراحة للعاميلن والله ناس نايس افكار افكار.....



هاد المبنى من الخارج ع فكرة الشخص اللي بالصورة انا مش عارفوا ...



 انها افكار تساوي ملايين
بس كيف الكرسي... حلو صح


المقر موجود بولاية كالفيورنيا الامريكية


انظر للتفاوت بين العاناصر ليشكل نمط متماسك بين العاميلين وجعل الصالات المفتوحة في متناول جميع العاميلين والله الشركة الها نظرة

 

  

يوجد بالمبنى مكان للترفيه زي ما انتو شايفين الشباب بيتسلوا
















المبنى يتسع ل 700 موظف

اظن ان المصابيح كلها حجم واحد ......

الشباب بيحكوا .... في العمل طبعا 

وهاد موقع الشركة التي قامت بتصميم المبني وتطويره



 يعني اذا حدا من الشباب بدو اسشارة
بس الشركة بعيدة هناك بسان فرانسيسكو ابعد من المدرسة والله 

الجمعة، 29 يناير، 2010

اهلا وسهلا بالعالم... اول تدوينة لي...

اهلا وسهلا بالعالم... اول تدوينة لي...



السلام عليكم ورحمة الله وبركاته...


واخيرا انشأت المدونة... منذ سنوات او اعوام ( في فرق بينهم بس راح عن بالي الحين) وانا يدور في رأسي انشاء مدونة اي شغلة ولكن الظروف لم تسمح ..المهم وانا بقدم اختبار رياضيات 1 ( تفاضل وتكامل يعني تفكير )! ضربت في ذهني فكرة انشاء مدونة وبأسرع وقت ممكن .... انتهيت من تقديم الاختبارت وقلت لازم نطبق الفكرة .... كالعادة وبدون تررد بدأت بتصميم الثيم للمدونة واستغرق وقت كتير واللي ضيع الوقت هو اختيار انواع الخطوط ( عندي مشكلة مع الخطوط ) المهم ما علينا 
انتهيت من تصميم الثيم والحمد لله


الحين يا حبيبي قعدت افكر في تخصص واسم المدونة.... لمعت في ذهني فكرة اني اعمل هالمدونة عن انجازات زوجة الرئيس الامريكي باراك اوباما... بعدين قلت ايش هالفكرة هاي الظاهر ع الفاضي .... عملت جولة سريعة بواسطة محرك جوجل الرهيب ( خد بالك جولة بحث في الانترنت مش يعني عشان جولة و محرك تفكر سيارة... يعني قصدي محرك بحث وع فكرة الكل بعرف انو محرك بحث بس خلص انا هيك... )


المهم الساعة صارت 3 بالليل وانا لسا ما قررت.... قلت لازم استشير اللي بعرفهم مضى الوقت وصلينا الفجر وتمام ...وعالساعة 6 صباحا اجاني اخوي الصغير وبحكيلي التلفزيون مش راضي يشتغل قلتلوا سيبك من التلفزيون وبدي استشيرك بشغلة .... حكيتلوا الموضوع تلاتة اتنين واحد وشو رأيك قلي اعملها عن الرسوم المتحركة و حط فيها صور سبايدر مان وبرامج قنوات الاطفال وقعد يخبص... حكيتلوا روح من وجهي بعدين ازعلك ويجي ابوك ونعمل قصة ... هو فهم لحالو وراح ....
وبعد قضاء اجتماع مغلق لمدة نص ساعة وخمس دقائق قررت اني ادون اللي بيخطر ببالي يعني منوعة ( خلطة ) وبس....


وعشان خاطر بالي سميتها باسمي ( مدونة طارق ) احم احم


وندعوا من الله التوفيق وتكون مواضيع المدونة مفيدة لكم...